|
|
|
|
Tíðindi Húkaflotin fær part í makrelkvotuni19-03-2012 12:00
 Jacob Vestergaard, landsstýrismaður,sigur, at øll fáa atgongd til makrelin,
eisini húkaflotin.
|
Jacob Vestergaard, landsstýrismaður, sigur, at øll fáa atgongd til makrelin, tá hann verður býttur. Hetta skrivar Kringvarp Føroya í dag. Vit endurgeva hervið grein hjá kvf.fo
Samfelag & Politikkur
Húkaflotin fær part í makrelkvotuni
Jacob Vestergaard, landsstýrismaður, sigur, at øll fáa atgongd til makrelin, tá hann verður býttur
Høgni Djurhuus / Johnsigurd Johannesen | 19. mar kl. 13:20 | Dagf. 19. mar kl. 14:52
Øll fáa atgongd til makrelin í ár, sigur Jacob Vestergaard, landsstýrismaður.
Hann vísir tí aftur, at húkaflotin ikki fær part í makrelkvotuni.
Nevndin í felagnum Línuskip gjørdi vart við seg um vikuskiftið. Hon segði, at línuskipini fáa onga makrelkvotu í ár.
- Hóast vit hava fingið greiðar ábendingar um, at einki verður í okkara part, vilja vit staðiliga heita á landsstýrismannin í fiskivinnumálum og løgmann um at virka í móti, at línuflotin fær mønustingin, sigur felagið Línuskip.
Men landsstýrismaðurin sigur í dag, at tað alla tíðina hevur verið ætlanin, at øll fáa atgongd til makrelin. Kelda:kvf.fo
|
| |
|
............................................................................................................................. Landsstýrið avhøvdar línuskipaflotanWritten by Fróði Lassen 19-03-2012 12:00
|
Savnsmynd
|
Við grova mismuninum, sum landsstýrið ger í sambandi við býtið av kvotum, eru landsins kosnu politikarar við at taka lívið at tí mest arbeiðsskapandi partinum av føroyskari fiskivinnu, nevniliga húkaflotanum. Hetta sigur Felagið Línuskip í tíðindaskrivið 18 mars.
Landsstýrið avhøvdar línuskipaflotan
Fyrst tók landsstýrismaðurin í fiskivinnumálum kvotuna á Flemish Cap, sum línuflotin hevur søgulig rættindi uppá, og gav hesa kvotuna til flakaskipini, ið frammanundan hava nóg mikið og klára seg væl uttan hesa kvotuna. Nú er sami landsstýrismaður, við vælsignilsi frá restini av landsstýrinum, í ferð við at býta makrelkvotuna soleiðis, at tey skipini, sum eru ringast fyri, onki fáa, meðan teir fáu eigararnir av nótaflotanum, ið bókstaviliga sæð svimja í kvotum og inntøkum, fáa so at siga alla hesa nývunnu kvotuna.
Talan er enntá um eina kvotu, sum í stóran mun er vorðin til upp á bekostning av botnfiskinum, sum línuskipini og útróðrabátanir skulu liva av. Makrelurin – í so stórum nøgdum sum seinnu árini – er uttan iva ein av høvuðsorsøkunum til, at so lítið yngul kemur undan, tí hetta er partur av føðini hjá hesum stovni. Millum annað tí eru botnfiskastovnarnir so illa fyri í løtuni.
Neyðugt er at geva Húkaflotanum møguleika fyri, at gagnnýta kvotuna, uttan at vit skulu fiska hana sjálvir, og eru tað fleiri møguleikar fyri hesum, um politiski viljin er tilstaðar.
Við handfaringini av toskakvotuni á Flemish Cap, og tað sum liggur í kortunum í sambandi við makrelkvotuna, er landsstýrið í ferð við at taka lívið av bæði línu- og útróðarflotanum. Hetta hóast bæði landsstýrismaðurin í fiskivinnumálum – og enn tá løgmaður – á fiskivinnufundi á Tofum í februar høgt og heilagt lovaðu, at býtingin av makrelkvotuni skuldi koma allari føroyskari fiskivinnu til góðar.
Makrelkvotan er ásett, men enn er hon ikki býtt millum skipini. Hóast vit hava fingið greiðar ábendingar um, at onki verður í okkara part, vilja vit staðiliga heita á landsstýrismannin í fiskivinnumálum og løgmann um virka ímóti at geva línuflotanum mønustingin. Hetta kunnu tit báðir og restin av landsstýrinum forða fyri, um tit geva okkum ein minni part av kvotuni, eins og bæði rækjuskip, djúpvatnstrolarar, partrolarar og ísfiskatrolarar annars, fáa. Sostatt er tað bert húkaflotin, sum onki fær. Hetta er botnórættvíst, tí tað ikki minst húkaflotanum fyri at takka, at Føroyar er vorðið eitt vælferðarsamfelag.
Eitt tað mest groteska í handfaringini av makrelkvotuni er, at tað ikki so mikið sum ber hjá línuskipunum og útróðrarbátunum at útvega sær eitt sindur bíligari agn. Ístaðin mugu vit keypa dýran makrel úr Hollandi til agn. Hetta er himmalrópandi illa fyriskipað av politisku skipanini og vísir vanvirðingina fyri okkum sum skipabólkum.
Tit hava møguleika fyri at broyta hesi órættvísu viðurskiftini, og tað krevja vit av tykkum sum politikarar.
Við at geva húkaflotanum somu rættindi, sum restin av flotanum, kunnu tit bjarga hundraðtals arbeiðsplássum og tryggja fíggjarliga grundarlagið hjá øllum teimum familjum, ið annars verða raktar av tykkara politikki.
Eitt rættvísari býti hevur lítla og onga ávirkan á raksturin hjá eitt nú nótaskipunum, sum eru sera væl fyri fíggjarliga – júst orsakað av stórum og góðum kvotum – men hevur avgerðandi týdning fyri okkara flota og manningar tess.
Vegna Felagið Línuskip
Hálvdan Gudmundsen, formaður
Óli Matras Lassen, næstformaður
Kristmund Johannesen
TommySivertsen
Haldan Haldansen
|
| |
|
............................................................................................................................. Kvotaskipan ein sorgarleikurWritten by Óli M. Lassen 17-03-2012 12:00
 |
Heimsins besta fiskidagaskipan verður niðurgjørd og søgd verða ónýtulig. Av fólkið uttanfyri vinnuna. Tað at fiskifrøðingar ongantíð hava góðtikið fiskidagaskipanina og eru um at oyðileggja hana við skerjingum og reguleringum hevur einki við fiskidagaskipanina at gera.
Kvotaskipanin hevur ført til ovurhándsútblakna og sigst eisini innibera at skip ikki geva rætt upp og royna at umgángast mynduleikarnar. Útblakan hendir í so stóran mun at talan er um 100 tals milliónir ja milliardir. Samstundis eru øll fiskivinnuhagtøl hjá ES farin fulkomuliga út av lagi, ja so lángt at tey ikki eru eftirfarandi í dag. Harvið er eisini virðismikið og neyðug data farin fyri skeytið um fiskastovnarnar og teirra samanseting. EU hevur ásanna at teir hava eina sera vánaliga skipan. EU leitar í dag eftir øðrum skipanum og hyggja teir eftir okkara skipan eisini. Tí er tað heilt ófatuligt at nakrir teoretikarar ið ikki hava sett seg inn í veruligu fiskivinnuna og umstøður kring Føroyar. Kjartan Hoydal segið tað so greitt í eini grein Heimurin øvundar okkum okkara fiskidagaskipan.
|
............................................................................................................................. Nógvur fiskivinnustuðul í EU17-03-2012 12:00
 |
At tað er nógvur fiskivinnustuðul í EU og Danmark er alment kent, her er brot frá heimasíðuni hjá fødevarestyrelsen um stðul og broytingar í fiskivinnuni. Spurningurin er hví politikkarar halda at vit kunnu reka fiskivinnu uttan stuðul tá fiskiskapur og prísitr svíkja.
Hvorfor tilskud til fiskeri
30.09.2010
Hvorfor støtter EU udvikling af fiskeri og akvakultur i Danmark?
Fiskerifonden er en del af EU’s fælles fiskeripolitik. Siden 1970’erne har EU haft en fælles fiskeripolitik. Medlemslandene har valgt at tackle udfordringer i fællesskab, fordi hav og fisk er i bevægelse og udvikler sig uafhængigt af landegrænser. Politikken har til formål at tilpasse fiskeriet til havets ressourcer og miljøet, samt at styrke fiskebranchens muligheder for at tackle de udfordringer, erhvervet står i.
I Danmark gennemføres Fiskerifondens indsatser gennem et fiskeriudviklingsprogram. Fiskeriudviklingsprogrammet er Fødevareministeriets plan for, hvordan fondens penge skal anvendes i Danmark. Halvdelen af pengene kommer fra Fiskerifonden, mens den resterende halvdel er tilskud fra den danske stat, regioner og kommuner. Den nuværende indsats gælder for perioden 2007-2013, hvorefter indsatsen justeres for en ny periode. Der er allerede drøftelser mellem Europa-Kommissionen, medlemslandene og andre interesserede om, hvordan prioriteringerne skal være fra 2014 og frem.
Færre folk og fisk
I de senere år har økonomien i fiskerierhvervet været presset. Det er på grund af vigende priser på fisk på de internationale markeder, hvilket også styrer fiskepriserne i Danmark. Samtidig har udviklingen i dollarkursen og et voksende udbud af fisk og skaldyr, som er opdrættet i akvakultur også presset priserne i bund. Der er dog sket en forbedring i erhvervets økonomi i 2010. Fiskeriet og fiskebranchen har tidligere beskæftiget mange personer i Danmark. Jylland og øernes lange kyststrækninger har gjort, at Danmark historisk har været en fiskerination. Som i andre erhverv er der sket en stigning i produktiviteten, fordi fartøjerne er blevet større og mere effektive. Men mængden af fisk i havet begrænser den mængde, der kan fiskes. I dag er der derfor langt færre fiskere end tidligere. I 1951 var der registreret ca. 7.700 erhvervsfiskerfartøjer i Danmark, hvilket faldt til godt 2.800 fartøjer i 2009 (Kilde: Fiskeridirektoratet). Også i den industri, der forarbejder fisken, er der nu beskæftiget færre personer. Det skyldes blandt andet, at produktionen er blevet mere effektiv, og at en del af produktionen er flyttet til andre lande. Fiskeriet kan derfor ikke, på samme måde som tidligere, danne grundlag for livet ved Danmarks kyster. På figuren kan du se, hvordan tilskuddet fra EU's Fiskerifond fordeler sig.
|
 ............................................................................................................................. Hóttir húkaveiði nakran toskastovn?Written by Óli M. Lassen 14-03-2012 12:00
 |
Fiskivinna: Hóttir húkaveiði nakran toskastovn? Toskastovnurin kann neyvan nakrantíð koma í vanda av ov høgum veiðitrýsti — og aldeilis ikki frá húkaveiði. Hetta má so vera ein niðurstøða frá trimum íslendskum videofilmum sum nú liggja alment tøkir á YouTube. (link síggjast niðast í greinini)
Toskastovnurin kann neyvan nakrantíð koma í vanda av ov høgum veiðitrýsti — og aldeilis ikki frá húkaveiði. Hetta má so vera ein niðurstøða frá trimum íslendskum videofilmum sum nú liggja alment tøkir á YouTube. Tveir av filmunum, annar um snelluveiði og hin um línuveiði, eru eftir undirsjóvar myndamannin Erlend Bogason. Har sæst at toskurin tekur tað róligt og kann eta agnið av húkinum uttan at blíva fastur. Tó gongur galið hjá nøkrum men hetta tykist ikki nerva teir toskar sum eygleiða. Við gummibeitu vísir tað seg at vera heilt ómøguligt at fáa nakran at bíta — teir nippa leysliga í men spíta beinanvegin útaftur og verða ógvuliga sjáldan krøktir. Men sum sagt verður í hesum stuttfilmum um húkaveiði og íslandstosk, so tykist tað at vera ójavnt hvussu tað liggur fyri hjá einstaka toskinum — meðan teir flestu sleppa snikkaleysir undan at smakka sær á agnið, so gongst verri hjá nøkrum.
Tann triði videofilmurin vísir trolveiði, og har sæst at nógvur fiskur sleppur aftur undir trolið umframt út gjøgnum meskarnar.
Fiskifrøðingurin Jón Kristjánsson, væl kendur sum óheftur ráðgevi í fiskivinnumálum, hevur hesa viðmerking: "Hesar tríggjar videomyndirnar geva eina greiða ábending av tí sama sum eg leingi havi sagt, nevniliga: tað er ógjørligt at veiða fiskastovnar burtur úr havinum — fiskastovnar eru so nógvar ferðir betri yvirlivarar enn fiskireiðarí og útróðrarmenn. Óttin fyri ovurveiði er yvirdrivin og tekur støði í skeivum metingum av veiði og hvørja ávirkan hon hevur á fiskastovnar. Hinvegin hevur ov lítið verið gjørt við at umhugsa onnur viðurskifti enn fiskiveiði sum orsøkir til broytingar í fiskastovnum; tó tykjast framstig at henda á hesum øki."
Herfyri útgav tíðarritið Seafood International í einum eykablað fyri haldarar ein lista yvir heimsins 100 sterkastu leiðararnar innan fiski- og alivinnuna, og har varð Jón Kristjánsson styrkismettur sum nr. 98. Hann við á listanum sum ein av bert tveimum lívfrøðingum ið sambært útgevaranum Infrafish lúka treytirnar fyri at teljast millum tey 100 ovastu tá talan er um eina samlaða meting av fimm kategorium: global viðurkenning, ráevni (ræðisrættur v.m.), perónligheit, ambitión, ávirkan.
|
.............................................................................................................................
<
1
2
|
|
|
|
|