Arnt Peter
Olaus Jensen Eikremsvik
(1875-1900)
![](http://www.bricksite.com//User_files/00e9b331f6f443da4616495e018f1f80.JPG)
Fødd:
20 mai 1875 i Eikremsvik i
Borgund på Sunnmøre
Døydde:
2. februar 1900 i Eikremsvik
i Borgund av strupetæring
Gravlagd:
7. februar 1900 i
Borgund.
Arnt Jensen
Eikremsvik var son til gardbrukar Jens
Jensen Vigen, også kalla Jens Jensen
Roti, frå Nordfjordeid og kona Oline Kolbeinsdotter
Eikremsvik. Arnt var den
yngste av dei 7 borna deira.
Alt i folkeskulen vart
Arnt synt tillit til ved at fekk spela, syngja og vera lærar
for kameratane
sine. Tidleg lærde han seg notar, og han og broren Karl
lærde ungdomane å
syngja fleirstemt.
Straks etter
konfirmasjonen kom han i teneste på Vigra, og her
pådrog han seg sjukdommen
giktfeber som gjorde han helselaus. Han vart sengeliggjande i fleire
år, men
kom seg etter kvart såpass at han kunne gå med to
stavar.
Frå
1896-1897 gjekk
han på førebuingskurset på seminaret i
Volda, der han mellom anna vart kjend
med Anders Vassbotn. På grunn av helsa fekk han ingen
eksamen, men han søkte
lærarstilling i småskulen i heimbygda. Den fekk han
ikkje, noko som vart eit
stort vonbrot for han.
No vart det songen og
musikken han ofra seg mest for, og det friviljuge arbeidet med
målsak og
ungdomsarbeid. Diktarhugen vakna, og han skreiv litt i eit frilyndt
ungdoms- og
målblad som heitte Heimhug. Her er det samla det han har
skrive av prosa og
lyrikk. Han komponerte og nokre melodiar, men desse er truleg
gått tapt.
Etter ein kald
fisketur, vart han mållaus, og dette utvikla seg til
strupetuberkulose som
etter kvart enda dagane hans her på jord. Han vart berre 24
år gammal. Både
Anders Vassbotn og Anders Hovden laga minnedikt om han. 17.mai 1975
vart det
reist eit minnesmerke over han ved Måseide skule i Sula
kommune.
Salmar:
- Det
høyrest sus av vengjeslag
Kjelder:
- Eikremsvik,
Heidi og Terje Aarset: Arnt Eikremsvik. Det høyrest sus av
vengjeslag. Dikt og prosa. Egset trykk, Volda, 1983. Inneheld og
”Salmediktaren frå Sulalandet” av Ludvik
N. Holstad (1968)
- Kyrkjebøker
for Borgund
på nett
Tilbake
til hovudsida
|