- Torleif
Homme
(1852-1936)
- (Thorleif
Homme eller Tellef Olsen Fladland)
Fødd:
17. august 1852 på garden
Flateland i Valle i Setesdal, Aust-Agder.
Døydde: 6. mai 1936 på St.
Josephs hospital, Kristiansand, Vest-Agder.
Gravlagd:
12. mai på Hornnes kyrkjegard,
Evje og Hornnes, Aust-Agder.
Torleif
Homme var son
til husmannen Ole Olsen Fladland frå Rygnestad og kona Aase
Osmundsdatter f.
Dahle. Dei var husmannsfolk fyrst på plassen Feddufs under
garden Flateland,
seinare på Bronen i Homme. Herfrå tok Torleif
etternamnet Homme.
Etter seminar i
Kviteseid 1871-1873 utvandra han til Amerika og studerte vidare ved
Luther
College i Decorah, Iowa, (1873-1878) og ved Luther Seminary i Madison,
Wisconsin, fram til 1881. Så arbeidde han fleire år
som lærar og prestevikar i ved
Luther College, før han i 1887 kom attende til Noreg. Her
vart han cand.theol i
1890, og året etter lærar ved amtsskulen i Nedenes
amt. I mange år var han
lærar og skulestyrar ved ved den omreisande amtsskulen i
Indre Agder. Her var
han ein føregangsmann i det å nytta
landsmål i undervisninga, og ein ihuga
talsmann for kristendom og norskdom.
Frå 1908 til 1913 var
han sokneprest i Røldal. Her møtte han motstand
mot å nytta landsmål i
kyrkjelege samanhengar. Etter dette flytte han til Hornnes i
Setesdalen. I
1916/1917 vikarierte han som sokneprest i heimbygda Valle, men han
hadde heimen
sin på Hornes resten av livet.
Torleif Homme skreiv
mykje i tidsskrift og blad, og gav ut mange bøker. Han
granska mykje og skreiv sjølvstendig
om emne frå historie, naturvitskap og ikkje minst filosofi og
tenkte mykje i
grenseland mellom desse. Politisk framheva han at folkesamfunnet skulle
byggja
på heimen, og han var ein ihuga fråhaldsmann. Han
omsette songar frå engelsk,
svensk og dansk og komponerte tonar. Han var også mykje bruka
talar og foredragshaldar,
men etter kvart vart han ofte mistydd, miskjend og utestengd
på grunn av sine
synspunkt og høgtsvevande tankar. Homme vart likevel hugsa
som ein
stillfarande, varmhjarta og gudfryktig mann som hadde godt lag med
ungdommen.
Hornnes mållag tok
alt året etter at Homme døydde initiativet til
å reisa ein bauta over han på
grava hans. Denne vart avduka i 1949, og her er han kalla:
”folkelæraren,
presten, tenkjaren”.
Utgjevingar
(eit utval):
- Fyrste boki um Loge og Liv (1898)
- Um nordmennerne i Amerika (1899)
- Historisk kristentru (1904)
- Fadervåret (1909)
- Norsk folkelagnad i 3-4000 år
(1916)
- Grunnhåtten til kristendomen (1920)
- Skapingssogune -
siflodskildringar (1921)
Biografi:
- Kleveland, Olav Arne:
Med hjartespråket som leiestjerne, Valle sogelag, Valle, 2005.
Omsette
salmar:
- Arbeid,
for natt seg
nærmar
- Du
talar om ver, du talar
om vind
- Himmel-Ande, kom med
nåde
- Kom
heim, kom heim, du
villfarande barn
- Ver med meg,
kjære Herre Krist
Melodiar:
- Kom heim, kom heim (ca 1890)
- Kom hen til mig, du trette sjel / Kom inn og
legg deg ved min barm (1923)
- Med Jesus vil eg fara
Kjelder:
- Aanestad:
Kristen Sang og Musikk
- Aabø,
Arne T. (2006): Med hjartespråket som leiestjerne. I: Egde,
organ for Vest-Agder historielag, side 23, nr 2-2006. (Internett)
- Kleveland,
Olav Arne: Torleif Homme. Med hjartespråket som leiestjerne.
Valle sogelag, (Evje), 2005.
- Gravminner
i Norge
- Ministerialbok
for Valle (på Internett)
- Melodiboken,
1955
- Koralbok
for den norske kirke, 1926
Tilbake
til hovudsida
|
|