Kvar helst eg vankar i verdi vida,
Eg allstøtt Jesus vil ha ved sida,
Kvar eg mun ferdast, kvar eg mun gå,
Hos Jesus eine er livd å få.

Når sut og trengsla vil hjarta såra,
Då Jesu-namnet skal tørka tåra.
Og lyser gleda som sol i li,
Er Jesu-namnet min lovsong frid. 

Å hjelp meg, Jesus, ditt namn å bera
Mitt folk til sæla og deg til æra!
Å hjelp meg, Jesus, til siste slutt
Å aldri namnet ditt skjemma ut!

Og når eg så under mold skal sova,
Ein kross på gravi skal Herren lova.
I Jesu namn skal eg opp att stå,
I Jesu namn skal eg krona få.

T:  Johan Lunde, 1906
M: Den nye stevtonen (Melodiboken 1955, nr 385)
S:  Sangboken 1973