Jesus, du som alle små

 Tekst: Olav Eriksen Klepsland i Songbok  for sundagsskule og uppbyggjingsmøte (1906)

Melodi: Jesus er mitt håp, min trøst (1653)

Jesus, du som alle små
Gjerne på din arm vil bera,
Dine englar med meg gå,
Vakta meg for vondt å gjera!
Du som alle born har kjær,
Sjå til meg som liten er!
 
Jesus, vern meg, så eg må
Bare godt og sant få læra,
Hjelp at lydig eg kan gå
Mor og far til gagn og æra,
Så dei gleda av meg fær!
Sjå til meg som liten er!
 
Du som eingong tok dei små
Signande i dine hender,
Lat meg og din nåde få
Så du meg blant dine kjenner!
Du har sagt, ditt rike vil
Høyra alle småborn til.
 
Derfor hjelp meg så eg kan
Alltid barn hos deg få vera,
Lei meg med di sterke hand,
Lær meg viljen din å gjera!
Når mi ferd er slutt på jord,
Lei meg heim til himmelkor! 

Tilbake til hovudsida