Anna
Oddmundsdotter
Stuve
(1897-1928)
Fødd:
17. februar 1897 på garden Stuve i
Øystese i Hardanger
Døydde:
6. juli 1928 på Skeie i Kvam,
Hordaland av tuberkulose.
Gravlagd:
12. juli 1928 på Vikøy kyrkjegard i
Vikøy, Kvam i Hordaland.
Anna O. Stuve var den
yngste av dei 9 borna til Herborg Brigtsdotter (f. Bøhn
1857-1931) og Oddmund
Sveinsson Stuve (f. Århus, 1855-1928). Både ho og
syskena var rikt utrusta, og
Anna vart tilliks med eine systera Synneva (1888-1978) lærar.
Då Anna var i
konfirmasjonsalderen, pakta foreldra hennar garden til Andreas Austlid
i
Ullensvang. Anna fylgde med foreldra og tok til på Hardanger
folkehøgskule.
Seinare vart ho knytt til folkehøgskulen med heile sitt
hjarta.
Lærarutdanninga fekk
Anna ved lærarhøgskulen på Stord. Etter
noko arbeid i folkeskulen vart ho
læarinne i fleire år ved Vestmar
folkehøgskule i Telemark, seinare ved
Eigersund mellomskule. Eitt år var ho også vikar
ved Hardanger folkehøgskule
før ho vart lærarinne i folkeskulen i Kolbotn.
Ho hadde ei veldig arbeidskraft.
Innimellom arbeidet som lærarinne tok ho vidare utdanning,
mellom anna
mellomskule-eksamen, eit år på Askov, eit
år på lærarskulen på Lade og
gjorde
ei reis til Tyskland. Ho var i ferd med å førebu
seg til student-eksamendå ei
rasande tæring gjorde ende på denne
venesæle og arbeidsglade kvinna på 2-3
månader, berre 31 år gammal.
Ein kjenner til berre
denne eine songen av Anna Stuve. Den vart fyrst trykt i
Høgskulebladet før han
kom inn i Alvestads songbok i 1926 og seinare i Fottlands songbok.
Dette er ein
julesong som på ein vakker måte knyter saman
snøen og vinterstemninga med den
eigentlege julebodskapen. Etter krigen kom songen ut or bruk, truleg
på grunn
av at det som vart ei av dei viktigaste nazi-helsingane,
”heil og sæl”, er med
i siste strofe.
Song:
- Stille sus av
snøfjom lette
Kjelder:
- Terje Aarset: Upubliserte notatar
frå 1989
- Gravminner i Norge
- Kyrkjebøker på nett for
Vikøy og Øystese
- Jon Mannsåker
i Høgskulebladet, Orkdal, 1928, side 363-364
Tilbake
til hovedsiden
|