Ottine
Ottesen
(Othine
Christine Didrikke
Ottesen)
(1858-1905)
Fødd: 2. mai 1858 i Sande i Vestfold
Døydde:
10. februar 1905 i Daas gate 16, Oslo.
Gravlagd:
18. februar 1905 på Vestre Gravlund,
Oslo.
Ottine Ottesen var
dotter til prost Otto Christian Mathæus Ottesen og hustru
Christine Mathea født
Thinn. Bror hennar var presten og komponisten Realf Ottesen.
Ottine vart fødd i
Sande i Vestfold, men alt i 9-årsalderen kom ho til Trondheim
der faren vart
prest i Bakklandet kyrkjelyd. Og i Trondheim gjekk ho realskule, men
då faren
døydde i 1873, flytte ho saman med mora til Kristiania. Her
vart ho
uteksaminert ved Nissens guvernanteskule i 1877.
Det var i folkeskulen
Ottine Ottesen fekk sin arbeidsdag, fyrst som huslærar, og
frå 1881 som lærar i
Kristiania Folkeskoler. I mange år var ho lærarinne
ved Uranienborg skole. Ho
var dyktig og godt lika som lærarinne, men sjølv
meinte ho at oppgåva hennar
ikkje var oppfylt med pliktoppfyllande arbeid i skulestova. Ho samla
elevane
til foreiningar og møte heime hos seg, og fylgde dei unge
kvinnene opp på mange
måtar også etter at dei hadde forlate skulen.
Også dei fattige og ulukkelege
fekk merka hennar hjartevarme, og dette førte til at ho
engasjerte seg i den
såkalla Kristiania sedelighetsforening og verka her som
”midnattsmisjonær”.
Ottine Ottesen var
ein av stiftarane til Lærerindernes Misjonsforbund. Den
fyrste starten på dette
arbeidet var i heimen hennar. Dette var ei norsk grein av eit
større
skandinavisk forbund. I fleire år var ho også leiar
av Fagerborgs
Ungdomsforening, og i Uranienborg Menighetshus leia ho
kvinnemøta. Ho var og
med i styret for Lærernes Vennekreds i Kristiania. Og kvar
veke vitja ho dei
sjuke på Rikshospitalets kvinnelege hudsjukeavdeling.
Frøken Ottesen var
ein varm misjonsven som søkte å vekkja og pleia
spira til eit liv i Gud både
hjå born og unge, hjå sjuke og gamle og
hjå samfunnets djupast sokne. Likevel
fokuserte ho ikkje på alt ho skulle gjera, men såg
det som eit heile, som
greiner i eit samla arbeid for Jesus.
Den
eine kjende
salmen etter Ottine Ottesen
er ei omsetjing frå tysk, og heiter ”Gud nok lagar
dine dagar”, og vart trykt i Stille Stunder, nr 3 1910, om
lag 5 år etter
forfattarens død.
Omsett
salme:
- Gud nok lagar dine dagar
Kjelder:
- Aanestad
1962-1965
- Kyrkjebok
for Sande (nett)
- Informasjon
frå Kyrkjebok for Uranienborg Menighet.
- Morgenbladet
for 12. februar 1905
- Norske
Intelligenssedler for 17.
februar 1905
- Bymisjonæren
for 18 februar
1905
- Menighedsblad
for Kristiania for 24.
februar 1905.
- Nynorsk
Salmebok
- Nasjonalbiblioteket,
Billedsamlingen
Tilbake til hovudsida
|